Azərbaycan, Bakı, 7 may /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) orta məktəblərdə V sinif şagirdləri arasında keçirdiyi monitorinq imtahanının nəticələrini iyun ayında açıqlayacaq. Trend-in məlumatına görə, bunu TQDK sədri Məleykə Abbaszadə jurnalistlərə deyib.
O deyib ki, imtahanın nəticələri Təhsil Nazirliyinə təqdim ediləcək.
M.Abbaszadə imtahanların ilkin nəticələri barədə hələ fikir söyləyə bilməyəcəyini də deyib.
O bildirib ki, monitorinq imtahanlarında V sinif şagirdlərinə yazılı suallar təqdim edilib:
"Müəyyən marker adlanan müəllimlər bu sual kitabçalarını yoxlayacaqlar. Bu proses bir günün işi deyil. Minlərlə şagird bu imtahanlarda iştirak edib. Yoxlama prosesi heç olmasa bir ay çəkəcək".