Azərbaycan, Bakı, 3 iyun /Trend, müxbir İ.İsabalayeva/
Təhsil Nazirliyi növbəti dərs ili ərzində bölgələrdəki ümumtəhsil məktəblərində müvafiq monitorinq və araşdırmalar aparmağı nəzərdə tutur.
Təhsil Nazirliyindən Trend-ə verilən məlumata görə, "Azərbaycanda körpələr evlərinin, körpələr evi-uşaq bağçalarının, uşaq bağçalarının, xüsusi uşaq bağçalarının və uşaq evlərinin inkişafı ilə bağlı tədbirlər barədə" Azərbaycan Prezidentinin 27 dekabr 2011-ci il tarixli, 1941 nömrəli sərəncamına əsasən, Təhsil Nazirliyinin tabeliyində olan körpələr evləri, körpələr evi-uşaq bağçaları, uşaq bağçaları, xüsusi uşaq bağçaları və uşaq evləri yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyinə verilib.