Azərbaycan, Bakı, 8 may /Trend/
Tanınmış jurnalist Anar Yusifoğluna çalışdığı İctimai Televiziyada (İTV) vəzifə verilib.
Trend-in məlumata görə, o, televiziyanın İctimai-siyasi proqramlar departamentinin direktoru təyin olunub.
A.Yusifoğlu Trend-ə açıqlamasında İTV-nin İctimai-siyasi proqramlar departamentinin direktoru vəzifəsinə təyin oldunduğunu təsdiqləyib.
Qeyd edək ki, A.Yusifoğlu İTV yaranandan orada çalışıb, televiziyanın qurulmasında yaxından iştirak edib.
Lakin televiziya rəhbərliyi dəyişəndən sonra o, İTV-nin Analitik proqramlar departamentinin direktoru vəzifəsindən öz ərizəsi ilə işdən azad edilmişdi.
Bu il yanvarın 6-da isə yenidən İTV-yə qayıdıb.