Azərbaycan, Bakı, 22 may /Trend/
Ermənistanın azərbaycanlılara qarşı törətdiyi Xocalı soyqırımı zamanı hər iki valideyni ermənilər tərəfindən qətlə yetirilmiş "25-lər"dən bəhs edən "Böyüməyən uşaqlar" kitabı Alman Azərbaycan Mədəniyyət Evi tərəfindən Ermənistanın Almaniyadakı səfirliyinə, bu ölkədəki erməni diaspor təşkilatlarına, həmçinin Almaniya mediasına göndərilib.
Trend-in məlumatına görə, bu barədə Alman Azərbaycan Mədəniyyət Evinin rəhbərliyindən Toğrul Əziz mətbuata məlumat verib. O, qeyd edib ki, kitabın dünya çapında yayılması, satışının təşkil edilməsi üçün Alman Azərbaycan Mədəniyyət Evi bundan sonra da fəaliyyətini davam etdirəcək.