...

Əli Əhmədov dərman qıtlığından danışdı

Cəmiyyət Materials 21 Noyabr 2015 11:39 (UTC +04:00)
“Hesab edirəm ki, vətəndaşlar dərmanların qiymətinin ciddi şəkildə aşağı düşməsindən məmnundurlar. Dərman çatışmazlığı ilə məsələlər texniki məsələlələrdir, zaman keçdikcə bunlar öz yoluna düşəcək”.
Əli Əhmədov dərman qıtlığından danışdı

Trend-i buradan izləyin

Bakı. Elçin Mehdiyev - Trend:

"Hesab edirəm ki, vətəndaşlar dərmanların qiymətinin ciddi şəkildə aşağı düşməsindən məmnundurlar. Dərman çatışmazlığı ilə məsələlər isə texniki məsələlərdir, zaman keçdikcə bunlar öz yoluna düşəcək".

Trend-n məlumatına görə, bunu jurnalistlərə açıqlamasında Azərbaycan Respublikası Baş nazirinin müavini, Yeni Azərbaycan Partiyasının sədr müavini - icra katibi Əli Əhmədov ölkədə dərmanların vahid qiymətlə satılmasına başlanıldıqdan sonra bəzi adda olan preparatların satışda tapılmamasına münasibət bildirərkən deyib.

Baş nazirin müavini bununla bağlı onlara da siqnalların gəlib çatdığını deyib.

Hazırda bununla əlaqədar iş aparıldığını bildirən baş nazirin müavini qeyd edib ki, apardıqları araşdımalara görə, tərkibi baxımından deyil, ticari adı baxımından dərmanların tapılmamasından söhbət gedir:

"Eyni tərkibdə müxtəlif adlarda olan dərmanlar var. Tərkib və keyfiyyət etibari ilə bu dərmanlar eynidir. Amma onlar müxtəlif firmalar tərəfindən buraxıldığına görə adlarında fərqlər var. Vətəndaşlar yəqin ki, müəyyən adda olan dərmanlara alışıblar. Mən bunu başa düşürəm. Amma eyni tərkibdə olan digər dərmanlara ola bilsin ki, bir qədər ehtiyatla yanaşırlar".

Ə.Əhmədov deyib ki, bu və ya digər xəstəliyi müaicə etmək üçün nəzərdə tutulmuş dərman preparatları müxtəlif adlarda olsa da, satışda var:

"Müəyyən bir müddət keçməlidir ki, vətəndaşlar dərmanın adının deyil, tərkibinin əsas rol oynadığını dərk etsinlər. Bundan sonra problem aradan qalxacaq".

Məqalədə:
Xəbər lenti

Xəbər lenti