...

Nazir müavini: Dərmanların yeni qiymətləri əvvəlki qiymətlərdən aşağı olacaq

Cəmiyyət Materials 22 Dekabr 2015 16:56 (UTC +04:00)
Dolların və avronun manata nisbətən məzənnəsinin artmasından sonra dərmanların qiymətlərinin artırılması ilə bağlı Tarif Şurasına Səhiyyə Nazirliyi tərəfindən deyil, iş adamları, şirkətlər tərəfindən müraciət olunub
Nazir müavini: Dərmanların yeni qiymətləri əvvəlki qiymətlərdən aşağı olacaq

Bakı. Elçin Mehdiyev - Trend:

Dolların və avronun manata nisbətən məzənnəsinin artmasından sonra dərmanların qiymətlərinin artırılması ilə bağlı Tarif Şurasına Səhiyyə Nazirliyi tərəfindən deyil, iş adamları, şirkətlər tərəfindən müraciət olunub. Trend-in məlumatına görə, bunu jurnalistlərə açıqlamasında səhiyyə nazirinin müavini Elsevər Ağayev deyib.

O qeyd edib ki, bu günlərdə Tarif Şurasının bu günlərdə növbəti iclası olacaq:

"Qiymətlərə yenidən baxılacaq. Bu zaman dərmanların qiymətlərin neçə faiz artacağına qərar veriləcək. Çünki Nazirlər Kabinetinin təsdiq etdiyi Azərbaycanda qeydiyyatdan keçən dərman vsasitələrinin qiymətlərinin tənzimlənməsi və onlara nəzarət qaydaları var. Bu qaydalara əsasən valyutann məzənnəsi 5 faizdən artıq dəyişərsə, onda təsdiq olunan qiymətlərə yenidən baxılacaq".

Nazir müavini bildirib ki, qiymətlərin artırılması qaçılmazdır:

"Lakin yeni qiymətlər əvvəlki qiymətlərdən aşağı olacaq. Çünki bir çox dərmanların qiyməti bir neçə dəfə aşağı salınmışdı. Yəni qiymət artımından sonra belə qiymətlər əvvəlki ilə müqayisədə aşağı olacaq".

Məqalədə:
Xəbər lenti

Xəbər lenti