...

Sabiq MTN generalının evində işlədiyi üçün həbs edilən qardaşlar zərərçəkmişi tələb ediblər

Cəmiyyət Materials 4 May 2016 14:24 (UTC +04:00)
Bu gün Nərimanov Rayon Məhkəməsində ləğv edilmiş Milli Təhlükəsizlik Nazirliyinin Monitorinq Mərkəzinin həbsdə olan sabiq rəisi, general-mayor Teymur Quliyevin villasında usta işləyərkən həbs edilən Ramil və Vasif Aslanovların cinayət işi üzrə məhkəmə prosesi davam edib.
Sabiq MTN generalının evində işlədiyi üçün həbs edilən qardaşlar zərərçəkmişi tələb ediblər

Bakı. Samir Əli - Trend:

Bu gün Nərimanov Rayon Məhkəməsində ləğv edilmiş Milli Təhlükəsizlik Nazirliyinin Monitorinq Mərkəzinin həbsdə olan sabiq rəisi, general-mayor Teymur Quliyevin villasında usta işləyərkən həbs edilən Ramil və Vasif Aslanov qardaşlarının cinayət işi üzrə məhkəmə prosesi davam edib.

Təqsirləndirilən şəxslərin vəkili Adəm Məmmədovun Trend-ə verdiyi məlumata görə, hakim Samir Məmmədovun sədrliyi ilə keçirilən məhkəmə proseslərinə bir neçə dəfədir ki, zərərçəkən kimi tanınan Elmir Həsənov gəlmir: "Buna görə məhkəmə prosesi təxirə salınır. Biz onun məhkəməyə məcburi gətirilməsi barədə vəsatət vermişik. Məhkəmə vəsatətimizi təmin etdi və zərərçəkmiş mayın 13-də məcburi məhkəməyə gətiriləcək".

İttihama görə, Ramil və Vasif Aslanov qardaşları barəsində Nərimanov rayon Prokurorluğunda cinayət işi başlanıb. Onlar Cinayət Məcəlləsinin 145.2.4-cü (qanunsuz azadlıqdan məhrum etmə, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə) və 221.2.1-ci (xuliqanlıq, bir qrup şəxs tərəfindən və ya təkrar törədildikdə) maddələri ilə təqsirli biliniblər.

Məqalədə:
Xəbər lenti

Xəbər lenti