Bakı. Samir Əli-Trend:
Bu gün Bakı Ağır Cinayətlər Məhkəməsində soyğunçuluqda təqsirləndirilən Orxan Mikayılov və Emin Balayevin cinayət işi üzrə məhkəmə prosesi başa çatıb.
Trend-in məlumatına görə, hakim Ramella Allahverdiyevanın sədrliyi ilə keçirilən prosesdə təqsirləndirilən şəxslərə hökm oxunub.
Məhkəmənin hökmü ilə O.Mikayılov və E.Balayevin hər biri 5 il müddətinə azadlıqdan məhrum edilib.
İttihama görə, hər iki şəxs ötən il soyğunçuluq etməkdə sübhəli bilinərək polis əməkdaşları tərəfindən saxlanılıb. Onlar Cinayət Məcəlləsinin 180-ci (soyğunçuluq) maddəsi ilə ittiham olunublar.