Bakı. Trend:
Hesablama Palatası dövlət ali təhsil müəssisələrinin mənfəət və əmlak vergisinə cəlb edilməsini zəruri hesab edir.
Trend-in məlumatına görə, bu təkliflə parlamentin Əmək və sosial siyasət, Səhiyyə, Ailə, qadın və uşaq məsələləri, Elm və təhsil, Mədəniyyət komitələrinin birgə iclasında 2017-ci il dövlət büdcəsinin müzakirəsi zamanı Hesablama Palatasının sədri Vüqar Gülməmmədov deyib.
V.Gülməmmədovun sözlərinə görə, dövlət ali təhsil müəssisələri qanunvericiliyə uyğun olaraq öz öhdəlikləri və gərlirlər barədə bəyannamələr təqdim etmirlər: "Hesab edirik ki, dövlət ali təhsil müəssisələri öz gəlirlərini bəyan etməli və onlarda qalan azad vəsaitlər vergiyə, xüsusilə mənfəət və əmlak vergisinə cəlb olunmalıdır. ”