İlk xəbər saat 12:04-də yayılıb
Bakı. Rufiz Hafizoğlu - Trend:
Qarsda sərnişin avtobusunun qəzaya uğraması zamanı xəsarət alaraq xəstəxanaya yerləşdirilən azərbaycanlıların vəziyyəti yaxşıdır.
Bu barədə Trend-ə Sarıqamış dövlət xəstəxanasından bildiriblər.
Qeyd olunub ki, xəstəxanaya yerləşdirilən 28 azərbaycanlı yüngül xəsarət alıb: "Qəza nəticəsində avtobus şüşələrinin qırıntısı onların əksəriyyətinin üz nahiyəsinə yüngül kəsik xəsarəti yetirib".
X X X
12:34
Qarsda sərnişin avtobusunun qəzaya uğraması nəticəsində xəsarət alan azərbaycanlıların həyatı üçün hər hansı təhlükə yoxdur.
Bu barədə Trend-ə Qars dövlət xəstəxanasından bildiriblər.
Xəstəxanaya ümumilikdə neçə yaralının yerləşdirildiyi bildirilməsə də, ambulator yardımdan sonra 4 nəfərin buraxıldığı deyilib.
Qeyd edək ki, Türkiyədən Azərbaycana gələn sərnişin avtobusu Qarsda aşıb. Qəza nəticəsində 30 nəfər xəsarət alıb.
X X X
12:14
Türkiyədən Azərbaycana gələn sərnişin avtobusu Qarsda aşıb.
Trend-in məlumatına görə, qəza nəticəsində 30 nəfər xəsarət alıb.
Hadisəyə səbəb kimi sürücünün idarəetməni itirməsi göstərilir.
Yaralıların əksəriyyətinin Naxçıvandan olduğu deyilir. Onlar Sarıqamış və Qarsdakı xəstəxanalara yerləşdirilib.