...

Gəncədə qışa hazırlıq işləri yekunlaşıb (FOTO)

Cəmiyyət Materials 24 Noyabr 2020 11:24 (UTC +04:00)
Gəncədə qışa hazırlıq işləri yekunlaşıb (FOTO)

Bakı. Samir Əli - Trend:

Havaların soyuması və qışın yaxınlaşması ilə bağlı Gəncədə hazırlıq işləri yekunlaşıb. Gəncə Şəhər İcra hakimiyyətindən Trend-ə verilən məlumata görə, Mənzil Kommunal Təsərrüfatı İstehsalat Birliyi qarlı havalarda yolların və səkilərin təmizlənməsi üçün texnikalarını saz vəziyyətə gətirib, anbarlara zəruri miqdarda qum və duz ehtiyyatı tədarük olunub.

Gəncə şəhər Mənzil Kommunal Təsərrüfatı İstehsalat Birliyinin rəis müavini Elşad Əsgərov bildirib ki, qarlı yollara səpilməsi üçün hazırda anbarlarda 20 ton duz və qum qarışığı saxlanılır. Bununla yanaşı 10 ədəd “MAZ” makralı avtomobil, 4 ədəd qoşqusuz və qoşqulu traktor, 2 ədəd “Amkodor” və 1 ədəd qreyder hazır vəziyyətə gətirilib. 14 Mənzil İstismar İdarəsinin hər birinə yolu və səkiləri qardan təmizləmək üçün lazımi sayda kürək, bel, işçilərə isə qış geyimləri paylanılıb.

Qışa hazırlıq işləri çərçivəsində 260-dək çoxmənzilli binanın tüstü bacaları təmizlənib. Bu istiqamətdə işlər davam etdirilir.

Məqalədə:
Xəbər lenti

Xəbər lenti