Bakı. Humay Ağacanova - Trend:
Hazırda koronavirusla bağlı biz heç bir dalğa yaşamırıq, vəziyyətimiz stabildir.
Trend-in məlumatına görə, bunu Nazirlər Kabineti yanında Operativ Qərargahın brifinqi zamanı Tibbi Ərazi Bölmələrini İdarəetmə Birliyinin Xəstəliklərin kontrolu və profilaktikası departamentinin müdiri Yaqut Qarayeva deyib.
O qeyd edib ki, ölkədə xəstəlik artanda məcburi qapanmalara gedilirdi: "Yanvardan bu günə yoluxmada artım müşahidə olunurdu, lakin biz heç bir qapanmaya getmədən xəstəliyi idarə edə bilirdik", - deyə o bildirib.