Bakı. Trend:
Energetika naziri Pərviz Şahbazov OPEC-in baş katibi Məhəmməd Sanusi Barkindonun ölümü ilə əlaqədar başsağlığı verib.
Trend-in məlumatına görə, nazir bu barədə öz "Twitter" səhifəsində yazıb.
"Ən mürəkkəb dövrdə neft bazarının tənzimlənməsində əvəzsiz xidmətləri olan əziz dostum M.S.Barkindonun vəfatı məni çox kədərləndirdi. Onun tərcümeyi-halı OPEC-in tarixçəsi oldu. OPEC ilə həmyaşıd olması, təşkilatın intibahının onun Baş katibliyi illərinə təsadüf etməsi, OPEC-dəki və həyatdakı missiyasını eyni vaxtda başa vurması nadir rast gəlinən qanunauyğunluq idi. Allah rəhmət eləsin!" - P.Şahbazov yazıb.