Bakı. Trend:
Azərbaycanda valideynlər övladlarının azad ixtisas seçimi etməyinə mane olur. Hərdən maksimal bal toplayan abituriyentə ailələri təkid edir ki, sən hüququ seç, yaxud başqa ixtisası seç.
Trend-in məlumatına görə, bunu “Yüksəliş” müsabiqəsinin final mərhələsinin açılış mərasimində çıxış edən Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.
O qeyd edib ki, 30 yaşında şəxs dövlət qulluğuna qəbul olmaq üçün imtahan verir.
“Nəticələrdən narazı olan namizədin atası apellyasiya üçün bizə müraciət edir. Hələ də müəyyən gənclər var ki, onlar valideynlərin verdiyi komfort mühitdən kənara addım atmaq istəmirlər", - deyə o əlavə edib.