Bakı. Trend:
Gələn il Azərbaycanda televiziya, radio və nəşriyyat üçün ayrılacaq vəsait açıqlanıb.
Trend-in məlumatına görə, bu barədə oktyabrın 24-də Milli Məclisə daxil olmuş “Azərbaycan Respublikasının 2023-cü il dövlət büdcəsi haqqında” qanun layihəsində qeyd edilib.
Qeyd edilib ki, gələn il televiziya, radio və nəşriyyat üçün 61 024 113,0 manat vəsait ayrılması proqnozlaşdırılır.
Qeyd edək ki, 2023-cü il üçün dövlət büdcəsinin gəlirləri 30,7 milyard manat proqnozlaşdırılır ki, bu da ölkə tarixinin ən yüksək göstəricisi olmaqla, 2022-ci illə müqayisədə 5,2 faiz, 2021-ci illə müqayisədə isə 16,4 faiz çoxdur.