Bakı. Trend:
Bakının Yasamal rayonu ərazisində uçma təhlükəsi ilə üz-üzə olan ikimərtəbəli binaları yaxın vaxtlarda söküləcək.
Tikintini aparacaq RR Construction şirkətindən bildirildi ki, uçma təhlükəsi ilə üz-üzə olan ikimərtəbəli binaların yerində modern, göz oxşayan çoxmərtəbəli binalar tikiləcək.
Evlər Sübhi Salayev, Zivərbəy Əhmədbəyov, Cəlil Məmmədquluzadə, Fuad İbrahimbəyov, Əlibaba Abdullayev küçələrin kəsişməsində yerləşir. Evlər iki- üç əsr əvvəl tikilib.
Artıq bir həftədir ki, həmin ünvanlarda yaşayanların ərazidən kirayə mənzillərə köçürülməsinə başlanılıb.
Evlərini tərk edən vətəndaşlara çoxmərtəbəli binalarda öz evlərinin sahəsindən 20% əlavə sahəsi olan mənzillər təklif olunur. Yeni binaların tikiləcəyi müddət ərzində isə vətəndaşlara kirayə pulu veriləcək.