Bakı. Trend:
TƏBİB-in tabeliyindəki Sumqayıt Tibb Mərkəzinin Təcili Tibbi Yardım Xəstəxanasına zəhərlənmə halı ilə bağlı yerləşdirilən 12 nəfərdən 9-u abulator müalicə üçün evə buraxılıb.
TƏBİB-dən Trend-ə bildirilib ki, 3 nəfərin terapiya şöbəsində müalicəsi davam etdirilir:
"Onların vəziyyətləri qənatbəxşdir, həyati təhlükələri yoxdur".
xxx
12:55
TƏBİB-in tabeliyindəki Sumqayıt Tibb Mərkəzinin Təcili Tibbi Yardım Xəstəxanasına bu gün saat 10:10-da 12 nəfər zəhərlənmə halı ilə bağlı müraciət edib.
Bu barədə Trend-ə TƏBİB-dən bildirilib.
Məlumatda qeyd olunub ki, zəhərlənənlərdən 6 nəfəri qadın, 6 nəfəri kişidir. Zəhərlənənlərdən 2 nəfəri reanimasiyada, 3 nəfəri terapiya şöbəsində, 7 nəfəri isə müşahidə palatasında müalicələrini davam etdirilər. Vəziyyətləri qənatbəxşdir, həyati təhlükələri yoxdur.