Bakı. Trend:
Əməkdar elm xadimi, "Şöhrət” ordenli həkim Solmaz İsrafilbəyli vəfat edib.
Trend xəbər verir ki, bu barədə Səhiyyə Nazirliyi məlumat yayıb.
S.İsrafilbəyli 96 yaşında dünyasını dəyişib.
Qeyd edək ki, İsrafilbəyli Solmaz Hüseyn qızı 13 mart 1928-ci ildə Bakı şəhərində anadan olub. Tibb elmləri doktoru, professor, Əməkdar elm xadimi, Həkimləri Təkmilləşdirmə İnstitutu mama-ginekologiya kafedrasının müdiri vəzifəsində, 1982-89-cu illərdə Azərbaycanın baş mama-ginekoloqu, Respublika mama-ginekoloqlar cəmiyyətinin sədri vəzifəsində çalışıb. O, 165 elmi məqalənin, 3 monoqrafiyanın müəllifidir.
