Bakı. Trend:
Türkiyə-Azərbaycan Universiteti üçün gələn həftə bir neçə binaya baxış keçirəcəyik.
Trend xəbər verir ki, bu barədə elm və təhsil naziri Emin Əmrullayev media üçün keçirilən brifinqdə çıxışı zamanı deyib.
"Hazırda konkret düşünülmüş bina yoxdur. İlkin mərhələdə təhsil Azərbaycan vətəndaşları üçün nəzərdə tutulub. Lakin gələcəkdə digər ölkələrdən tələbələr təhsil ala bilər. Bizim üçün hazırda prioritet Azərbaycan vətəndaşlarıdır", - nazir qeyd edib.
Qeyd edək ki, Azərbaycanın elm və təhsil naziri Emin Əmrullayev və Türkiyənin Ali Təhsil Şurasının (YÖK) sədri Erol Özvar “Azərbaycan Respublikasının Elm və Təhsil Nazirliyi ilə Türkiyə Respublikasının Ali Təhsil Şurası arasında Türkiyə-Azərbaycan Universitetinin yaradılmasına dair Anlaşma Memorandumu” imzalayıb.