Bakı. Trend:
Azərbaycanda rəqəmsal radio yayımına keçidlə əlaqədar yerüstü radio yayımçılarının yayım xərcləri üçün subsidiya veriləcək.
Trend xəbər verir ki, bu barədə məlumat Audiovizual Şuranın 2024-cü il üzrə ümumi hesabatında öz əksini tapıb.
Hesabata əsasən, Audiovizual Şura “Azərbaycan Respublikasında rəqəmsal radio yayımına keçid ilə əlaqədar yerüstü radio yayımçılarının yayım xərcləri üçün subsidiya verilməsinin Qaydası”nın təsdiq edilməsi haqqında Azərbaycan Respublikası Nazirlər Kabinetinin Qərarı layihəsini hazırlayıb.
Qeyd edilib ki, yayihənin son versiyası tam hazır olduqdan sonra Nazirlər Kabinetinə göndərilməsi nəzərdə tutulub.