Bakı. Trend
İşğaldan azad olunmuş ərazilərdə yeni məktəblərin açılması nəzərdə tutulur.
Bunu elm və təhsil naziri Emin Əmrullayev “Sertifikatlaşdırma 2025: peşəkar müəllim – keyfiyyətli təhsil” mövzusunda ADA Universitetində keçirilən tədbirdə çıxışı zamanı Trend-in sualına cavab olaraq deyib.
O bildirib ki, ən azından 10-a yaxın məktəbin açılması gözlənilir.
"Xankəndində 2-ci bir məktəbin də açılması, həmçinin, Ağdam, Zəngilan və digər yerlərdə yeni məktəblərin açılması gözlənilir. Bundan sonra da bu proses sürətlə davam edəcək", - deyə nazir qeyd edib.