Bakı. Trend:
2026-cı ilin ilk altı ayı ərzində məişət zorakılığı törədənlərin sayı açıqlanıb.
Bu barədə Trend-in sorğusuna cavab olaraq Ailə, Qadın və Uşaq Problemləri üzrə Dövlət Komitəsinin Hüquqi-təminat şöbəsinin Baş məsləhətçisi Rahil Süleymanzadə məlumat verib.
O bildirib ki, 2026-cı ilin ilk altı ayı ərzində Dövlət Komitəsinə məişət zorakılığı ilə bağlı ümumilikdə 292 müraciət daxil olub:
"Müraciət edənlərin 47-si kişi, 230-u qadın, 15-i isə uşaq olub.
Məişət zorakılığı törətdiyi bildirilən şəxslərin bölgüsünə əsasən,
281 nəfər kişi, 124 nəfər qadın və 1 nəfər uşaq qeydə alınıb. Kişi
törədənlər arasında 90 nəfər ər, 69 nəfər isə keçmiş ər olub. Qadın
törədənlər arasında isə 6 nəfər rəsmi həyat yoldaşı (arvad), 8
nəfər keçmiş arvad olub. Bundan əlavə, qeyri-rəsmi münasibətdə olan
şəxslər tərəfindən törədildiyi bildirilən 14 məişət zorakılığı
faktı qeydə alınıb.
Məişət zorakılığından zərərçəkənlərin bölgüsünə əsasən, 49 nəfər
kişi, 284 nəfər qadın və 344 nəfər uşaq zərərçəkmiş şəxs kimi qeydə
alınıb".
Rahil Süleymanzadənin sözlərinə görə, zorakılığın növlərinə görə isə müraciətlərin təhlili göstərir ki, 197 fakt fiziki zorakılıq, 62 fakt psixi zorakılıq, 27 fakt iqtisadi zorakılıq, 6 fakt isə cinsi zorakılıq ilə bağlı olub.
