Almaniyanın Mayns şəhərində artıq başa çatmış şahmat festivalında Teymur Rəcəbov parlaq qələbə qazanıb. Trend in məlumatına görə, rapid turnirdə (1-ci partiyada 20 gediş + hər gedişə görə 5 saniyə) şahmatçımız dünya şahmat ictimaiyyətinə bir daha sübut edib ki, o, ümidverici istedadlı gənc yox, şahmat elitasının tam hüquqlu üzvüdür.
Turnir cədvəlinə görə, yarışların birinci günündə iştirakçılar 5, ikinci günündə isə 6 partiya oynayıblar. İlk beş partiyadan sonra Teymur Rəcəbov aktivinə 5 mümkün xal yazdırıb. İkinci gün də onun üçün uğurlu olub. O, 1 partiyanı uduzaraq, 4-də qalib gəlib, sonuncu turda isə rusiyalı qrossmeyster A.Dreyevlə heç-heçə oynayıb.
T.Rəcəbov 11 mümkün xaldan 9.5 xal toplayıb. O, A.Şirov, A.Dreyev, A.Morozev, A.Qrişuku, E.Bakro, P.Xarikrişnu, R.Vaqanyan, L.Aronyan və digər məşhur şahmatçıları qabaqlayaraq bu nüfuzlu turnirin qalibi olub.