Azərbaycan Hüquqçular Asosassiyası ABŞ-ın Milli Demokratiyaya Dəstək Fondunun maliyyə dəstəyi ilə seçki prosesinin iştirakçılarının maarifləndirilməsi layihəsi çərçivəsində avqustun 22-də Sabirabadda keçirməyi planlaşdırdığ seminara maneələr törədilib. Bu barədə Trend ə Assosasiyadan məlumat verilib.
Tədbirin təşkilatçıları seminarın keçirilməsi üçün Sabirabadda "Muğan" şadlıq sarayı ilə razılığa gəlmişdi. Lakin seminar başlayan vaxt rayon icra hakimiyyətinin 3 nümayəndəsi ora gələrək bildiriblər ki, tədbir üçün icra hakimiyyətindən icazə almadığına görə keçirilə bilməz.
Seminar təşkilatçıları isə izah ediblər ki, seminar siyasi xarakterli deyil, maarifləndirmə məqsədi daşıyır. Lakin "Muğan" sarayında seminarın təşkili mümkün olmayıb.
Bundan sonra başqa bir kafenin zalı sifariş verilib, lakin ora da göstəriş verilib ki, həmin tədbirin keçirilməsinə icazə verilməsin. Hüquqçular Asosassiyası sonda seminarı Azərbaycan Xalq Cəbhəsi Partiyasının (AXCP-islahatçılar) Sabirad şöbəsinin qərargahında keçirməyə məcbur qalıb. Sonra başqa yeməkxanada olarkən polis əməkdaşları ora da gəlib seminar təşkilatçılarını nəzarətdə saxlayıblar.
Azərbaycan Hüquqçular Asosassiyasının rəhbəri Sabirabadda baş verənlərlə bağlı dövlət orqanlarına və benyəlxalq təşkilatlara müraciət edəcəyini deyib: "Belə özbaşınalıq halları ölkədə seçkiöncəsi mühitin normal olmamasından xəbər verir"-deyə Ə.Hacıbəyli bildirib.
