Oktyabrın 17-də baş vermiş hadisələr zamanı ictimai qaydada həbs edilmiş şəxslər azadlığa buraxılıb. Bu barədə Trend ə Bakı Şəhər Baş Polis İdarəsinin rəis müavini Yaşar Əliyev məlumat verib.
"Polisin qanuni tələbinə tabe olmadıqlarına görə saxlanılan və məhkəmələr tərəfindən barələrində qısamüddətli inzibati həbs tətbiq edilən 19 nəfərin həbs müddəti başa çatdığına görə artıq həmin şəxslər azadlıqdadırlar. Polis əməkdaşlarına zor tətbiq etdiklərinə görə 3 nəfər barəsində isə cinayət işi qaldırılıb", - deyə rəis müavini bildirib.
Y.Əliyev onu da qeyd edib ki, noyabrın 6-da seçki məntəqələri və seçki dairələri qarşısında polis nəzarəti gücləndiriləcək. Bu, ayrı-ayrı namizədlərin tərəfdarları arasında yarana biləcək hər hansı qarşıdurmanın qarşısını almaq məqsədi güdür.
