...

Dövlət Akademik Opera və Balet Teatrında "O olmasın bu olsun" operasının məşqlərinə başlanıb

Cəmiyyət Materials 14 Fevral 2006 14:11 (UTC +04:00)

Dövlət Akademik Opera və Balet Teatrında Üzeyir Hacıbəyovun "O olmasın bu olsun" operasının məşqlərinə başlanıb. Yeni quruluşda təqdim olunacaq tamaşanın rejissoru Hafiz Quliyev, musiqi rəhbəri və dirijoru isə Cavanşir Cəfərovdur. Teatrdan Trend ə verilən məlumata görə, hazırda dekorasiya və səhnə eskizləri üzərində hazırlıq işləri aparılır. "O olmasın, bu olsun"da rolları Opera və Balet Teatrının "Muğam" və "Iokal" bölməsinin artistləri ifa edəcəklər. Əsas rollardan olan Məşədi İbad obrazını xalq artisti Azər Zeynalov, Sərvəri Həsən Enami, xalanı əməkdar artist Gülüstan Əliyeva, Gülnazı isə Gülnaz İsmayılova canlandıracaq. Qeyd edək ki, tamaşada iştirak etmək üçün başqa teatrların aktyorları da dəvət olunub. Onlardan biri Gənc Tamaşaçılar Teatrının aktyoru, əməkdar artist Ağaxan Salmanovdur. O, hambal rolunu ifa edəcək. "O olmasın, bu olsun"un yeni quruluşda hazırlanan tamaşası aprel ayında təqdim olunacaq.

Xəbər lenti

Xəbər lenti