Ramil Səfərovun ikinci işi üzrə növbəti məhkəmə prosesi fevralın 21-də keçiriləcək
Fevralın 21-də Macarıstanda Budapeşt mərkəzi rayon məhkəməsində azərbaycanlı zabit Ramil Səfərovla bağlı ikinci iş üzrə növbəti proses keçiriləcək. Bu barədə Trend ə Azərbaycanın Macarısmtandakı səfirliyindən məlumat verilib.
Gözlənildiyi kimi, işə hakim Tot Qyenqverin sədrliyi ilə baxılacağı gözlənilir. R.Səfərovun müdafiəsi ilə isə əvvəlki kimi macar vəkil Klara Fişer məşğul olacaq. Məhkəmə dinləmələri açıq keçirilərsə, prosesdə Azərbaycan səfirliyinin əməkdaşları da iştirak edəcəklər.
R,Səfərovla bağlı sayca ikinci iş 2004-cü ilin iyununda təcridxananın mühafizəçiləri ilə onun arasında baş vermiş insidentlə bağlı açılıb. Əlbəyaxaya gətirib çıxcaran həmin insident özü R.Səfərovun macar dilini bilməməsi üzündən baş verib. R.Səfərov hakimiyyət nümayəndəsinə müqavimət göstərməkdə ittiham olunur və o, dəqqiləşdirlməmiş məlumatlara görə, 2 il azadlıqdan məhrum edilə bilər. Bu iş üzrə ilk məhkəmə iclası 2006-cı il yanvarın 17-də keçirilib. İclasda prokuror müttəhimə ittihamı türk dilində elan edib.
Qeyd edək ki, Ramil Səfərovun birinci işi üzrə növbəti məhkəmə prosesi (2004-cü il fevralın 9-da erməni zabiti Nurgen Markaryanı öldürməkdə ittihamla bağlı) martın 7-ə təyin olunub.
