Dekabrın 31-də gecə saat 12-yə qalmış Milli Parkda atəşfəşanlıq olacaq. Bu barədə Trend ə Bakı Şəhər İcra Hakimiyyətindən məlumat verilib.
İcra Hakimiyyəti mətbuat xidmətinin rəhbəri Əliabbas Bağırov bildirib ki, yeni il gecəsi dənizkənarı Milli Parkda havaya salyutlar atılacaq. Onun sözlərinə görə, yeni il bayramı ilə əlaqədar Bakının müxtəlif yerlərində bəzədilmiş yolka ağacları (həmişəyaşıl şam acağı) quraşdırılıb. Bunun üçün Bakı Şəhər İcra Hakimiyyətinə 50-dək fiziki şəxs müraciət edib. İcra Hakimiyyətinin müvafiq razılığını almış 20 nəfər fiziki şəxs artıq paytaxtın müxtəlif hissələrində yolka ağacları quraşdırıblar. Ə.Bağırovun sözlərinə görə, bayram gününə qədər müraciət edənlərin hamısına razılıq verilməsi və müvafiq yerlərin ayrılması gözlənilir: "Çünki paytaxt sakinləri bayramı qeyd etmək, uşaqları gəzintiyə çıxarmaq üçün hər zaman şəhərin mərkəzinə gələ bilməzlər. Buna görə də Bakı Şəhər İcra Hakimiyyəti şəhərin müxtəlif ərazilərində, ən ucqar yerlərindəki parklarda, bağlarda yolkaların bəzədilməsinə, bayram əhval-ruhiyyəsinin olmasına şərait yaradır"-deyə xidmət rəhbəri qeyd edib.
O əlavə edib ki, Bakının üç yerində - Hüseyn Cavid bağında, Azneft meydanında və Azadlıq meydanında paytaxtın böyük yolkaları qurulub. Bu yolkalar işıqlarla, bəzək əşyaları ilə tam təchiz olunub və artıq paytaxt sakinlərində bayram ovqatı bəxş edir.
Trend-in ən mühüm və maraqlı xəbərlərini "Telegram"da izləyin
.jpg)
.png)
