Onun sözlərinə görə, DİN-in Pasport Qeydiyyat İdarəsinin inspektorları Əliyev Cavanşir və Abdullayev Elxan artıq Baş Konsulluqda yerləşiblər və burada fəaliyyət göstərəcəklər. Bəzi texniki məsələlər həll olunan kimi işə başlayacaqlar. DİN təmsilçiləri Baş Konsulluqda Sankt-Peterburqda yaşayan Azərbaycan Respublikası vətəndaşlarının sənədlərini qəbul edəcək, onlara pasport verilməsi üçün bu sənədləri Azərbaycana göndərəcəklər. Azərbaycanda pasportlar hazırlanıb Baş Konsulluğa göndəriləcək və vətəndaşlara paylanacaq. Eyni qayda ilə bu prosedur Moskvada da həyata keçiriləcək.
Qüdsi Osmanovun sözlərinə görə, Pasport Qeydiyyatı İdarəsinin əməkdaşları ən azı bir ay, ümumiyyətlə, Azərbaycan vətəndaşlarının problemləri tam həll edilənə qədər Sankt-Peterburqda qalacaqlar.
Baş Konsul DİN əməkdaşları ilə birgə azərbaycanlıların problemləri ilə tanışlıq məqsədilə yanvarın 31-də Kareliya vilayətinə rəsmi səfər edəcək. Baş Konsulluğun digər nümayəndələri isə artıq Murmansk, Arxanqelsk və digər vilayətlərində səfərdədirlər.
Q.Osmanov onu da əlavə edib ki, Baş Konsulluqda azərbaycanlıların müraciət etməsi üçün "Qaynar xətt" açılıb. 717-38-91 nömrəli telefonlara azərbaycanlılar zənc vuraraq öz problemlərini bildirir, arayışları gecikəndə tələb edirlər.