Azərbaycan, Gəncə / Trend müxbir V.Məmmədov/ Xalq artisti Şahnaz Haşımovanın 50 illik yubileyi qeyd olunacaq. Məlumatı şəhər Mədəniyyət və Turizm İdarəsinin rəisi Mina Məlikova verib.
Müsahib bildirib ki, yubiley tədbirinin iyun ayında keçirilməsi planlaşdırılır. "Şahnaz Haşımovanın 50 illik yubileyi şəhər səviyyəsində yüksək səviyyədə keçiriləcək. Lakin biz yubiley mərasimini respublika səviyyəsində keçirməyi planlaşadırırıq. Bu barədə Mədəniyyət və Turizm Nazirliyinə müraciət etmişik".
Şahnaz Haşımova 1998-ci ildə xalq artisti adına layiq görülüb. 2003-cü ildən isə o, prezident təqaüdcüsüdür. Hazırda Gəncə şəhər Dövlət Filarmoniyasının rəhbəri vəzifəsində çalışır.