Azərbaycan, Bakı / Trend müxbir K Zərbalıyeva / Millət vəkili Hüseyn Abdullayev mayın 5-də saxlandığı Müalicə Müəssisəsində aclıq aksiyasını dayandırıb. Bu barədə bazar ertəsi Azərbaycan İşgəncələr Əleyhinə Komitənin sədri Elçin Behbudov məlumat verib. Behbudov bildirib ki, Abdullayevlə görüşüb.
Millət vəkili anasının xahişi ilə aclığı dayandırıb. Həmçinin onun xahişi ilə Mərkəzi Klinik Xəstəxananın həkimi Mahir Dumanov Müalicə Müəssisəsinə dəvət olunub və həkim millət vəkilinin müalicəsinə başlayıb. Behbudov Abdullayevin saxlanma şəraitindən və ona qarşı münasibətdən şikayətçi olmayıb. Komitə sədri Abdullayevin səhhəti ilə bağlı ciddi problemləri olduğunu bildirib.
Abdullayevin deputat toxunulmazlığı baş prokurorun təqdimatı ilə Milli Məclisin martın 19-da keçirilmiş fövqəladə iclasında ləğv olunub və həmin gün məhkəmənin qərarı ilə həbs edilib. Abdullayev hazırda Bayıldakı 1 saylı İstintaq Təcridxanasında saxlanılır. Barəsində Cinayət Məcəlləsinin 132-ci (döymə) və 221.2.2-ci (xuliqanlıq) maddələri ilə Baş Prokurorluğun Ağır Cinayətlərə Dair İşlər üzrə İstintaq İdarəsində cinayət işi açılıb və istintaq aparılır.