...

ATƏT-in mətbuat üzrə nümayəndəsi Azərbaycan hakimiyyətini İslamın tənqidinə görə məhkum olunmuş jurnalistləri azad etməyə çağırıb

Cəmiyyət Materials 8 May 2007 14:08 (UTC +04:00)

Azərbaycan,Bakı/müxbir Trend A.Qasımova/ATƏT-in mətbuat üzrə nümayəndəsi Mikloş Haraşti Azərbaycanda İslam dinini tənqid edən məqalələrin nəşrinə görə iki jurnalistin cinayət məsuliyyətinə cəlb olunması ilə bağlı təəssüfünü bildirib.

Keçən həftə Bakının Səbayıl rayon məhkəməsi "Sənət" qəzetinin baş redaktoru Samir Sədaqətoğlunu dörd il azadlıqdan məhrum edib. Bu qəzetin jurnalisti 56 yaşlı Rafiq Tağı isə 2006-cı ilin noyabrında nəşr etdirdiyi məqaləyə görə üç illik həbs cəzasına məhkum edilib. Onlar "Avropa və biz" adı altında olan məqalədə millətlərarası ədavət yaymaqda, İslam dini və Məhəmməd peyğəmbər haqqında təhqiramiz fitkirlərin səsləndirilməsində ittiham olunub.

Bu gün ATƏT-in rəsmi saytında nəşr olunmuş Haraştinin bəyanatında qeyd olunub ki, jurnalistlərin məhkum olunması Azərbaycanın ATƏT qarşısında informasiya azadlığı və fikirlərin bildirilməsinə dair zəmanət haqqında götürdüyü öhdəliklərini ciddi pozmasıdır.

"Məhkəmə istintaqı həqiqəti saxtalaşdırır, dünyəvi filosofları ekstremist kimi qiymətləndirir. Fakt ondan ibarətdir ki, məhz onların həbs edilməsi onların əleyhdarlarına fikrir azadlığı verərək ektremizmi dəstəkləyir" - deyə ATƏT-in xüsusi nümayəndəsinin bəyanatında bildirilib.

Haraşti narahatdır ki, jurnalistlərin kriminallaşdırılması kütləvi media nümayəndələrinə qarşı zorakılığa səbəb ola bilər və buna görə də Azərbaycan hakimiyyətini Sədaqətoğlu və Tağını azad etməyə çağırır.

Xəbər lenti

Xəbər lenti