Azərbaycan, Gəncə / Trend müxbir V.Məmmədov/ Gəncə Olimpiya İdman Kompleksində bu gün Üzgüçülük üzrə Açıq Respublika birinciliyinə start verilib. Açıq birincilikdə iki gürcü komandası da daxil olmaqla 10 komandanın 79 üzgüçüsü iştirak edib.
Gəncə Olimpiya İdman Kompleksinin direktoru Sahib Rzayev jurnalistlərə açıqlamasında Üzgüçülük üzrə Açıq Respublika birinciliyinin Gənclər və İdman Nazirliyinin təşəbbüsü ilə ilk dəfə olaraq Gəncə şəhərində keçirildiyini bildirib. Onun sözlərinə görə, yarışda qalib gələn idmançılar üzgüçülük üzrə Avropa çempionatına vəsiqə əldə edəcəklər.
Yarış mayın 14-ə kimi davam edəcək.
Azərbaycanın Gəncə şəhəri paytaxt Bakıdan 360 kilometr qərbdə yerləşir. Azərbaycanın ikinci ən böyük sənaye şəhəri sayılır. Əhalisi 400 minə yaxındır.