Azərbaycan, Bakı, 5 avqust /Trend/
Bu gün XXX London Yay Olimpiadasında ağırlıqqaldırma yarışları başa çatdı. Səkkinci yarış günü Azərbaycana medal gətirmədi.
Trend-in məlumatına görə, 94 kq çəki dərəcəsində yarışan Azərbaycan ağıratleti İntiqam Zairov toplam 397 kq qaldıraraq 6-cı oldu.
Bu çəkinin qalibi adını qazaxıstanlı İlya İlyin qazanıb. O, 418 kq qaldırmaqla yeni dünya və Olimpiya rekordu müəyyənləşdirib. İkinci yer Aleksandr İvanova, üçüncü yer isə Anatoli Ciricuya qismət olub.