Azərbaycan, Bakı, 27 iyun /Trend/
FİFA Konfederasiyalar Kubokunun yarımfinal mərhələsinin oyunlarına start verilib.
Trend-in məlumatına görə, ilk oyun günündə Braziliya yığması doğma meydanda Uruqvay millisi ilə qarşılaşıb.
Mançın 14-cü dəqiqəsində uruqvaylı hücumçusu Dieqo Forlan penalti zərbəsindən yararlana bilməyib. Onun zərbəsini braziliyalı qapıçı Julio Sezar dəf edib.
Oyunda ilk qol ev sahiblərindən gəlib - 41-ci dəqiqədə Fred fərqlənib. 48-ci dəqiqədə Edinson Kavani hesaba tarazlıq gətirib. Paulinyonun 86-cı dəqiqədə vurduğu (2:1) qol isə Braziliyanı finala aparıb.
Qeyd edək ki, yarımfinal mərhələsinin digər oyununda İspaniya və İtaliya yığmaları üz-üzə gələcək.