Azərbaycan, Bakı, 25 oktyabr /Trend/
Bu gün Premyer Liqanın XI turunun oyunlarına start verilib.
Trend-in məlumatına görə, turun açılış matçında "Qəbələ" doğma meydanda "Sumqayıt"ı qəbul edib.
Oyunda hesabı gözlənildiyi kimi qəbələlilər açıblar - 24-cü dəqiqədə Subotiç fərqlənib. 63-cü dəqiqədə Dodo hesab arasındakı fərqi ikiyə çatdırıb - 2:0.
Beləliklə, "Qəbələ" klubu 11 oyundan 22 xalla müvəqqəti olaraq turnir cədvəlinə başçılıq edir.
Qeyd edək ki, tura bazar günü keçiriləcək iki oyunla yekun vurulacaq.