Azərbaycan, Bakı, 7 mart /Trend/
Bakının 2020-ci il Avropa çempionatına ev sahibliyi etmək üçün namizədliyinin irəli sürülməsi ilə bağlı sənədləşmə işləri başa çatıb. Bakı qalib seçiləcəyi halda, Azərbaycan oyunları yüksək səviyyədə keçirməyə hazırdır. Trend-in məlumatına görə, bunu AFFA prezidenti Rövnəq Abdullayev qurumun bu gün keçirilən hesabat konfransında deyib.
R.Abdullayev bildirib ki, qurum ötən ili uğurla başa vurub. AFFA prezidenti yığma komandanın 2014-cü il dünya çempionatının seçmə tsiklində 9 xal qazandığını xatırladıb.
Konfransa UEFA-nın I vitse-prezidenti Şenes Erzik də qatılıb.
Konfransda səs hüququna malik 35 üzvdən 33-ü iştirak edir.