Azərbaycan, Bakı, 24 aprel /Trend/
Gələn il Azərbaycanın ev sahibliyi edəcəyi ilk Avropa Oyunlarının proqramına daxil olan idman növləri içərisində velosiped (şosse, MTB və BMX) də var. Bununla əlaqədar Bakı-2015-in Təşkilat Komitəsi, eləcə də Azərbaycan Velosiped İdmanı Federasiyasının (AzVİF) birgə təşkilatçılığı ilə hakimər üçün xüsusi kurslar keçirilib. Bu barədə Trend-ə Federasiyadan məlumat verilib.
İlk Avropa Oyunlarının proqramına daxil olan idman növləri arasında ilk kurslar məhz AzVİF-in təşəbbüsü ilə baş tutub və bu tədbirdə federasiyanın 17 nümayəndəsi iştirak edib. Kurslara Bakı-2015-in Təşkilat Komitəsinin üzvü, Beynəlxalq Velosipedçilər Ittifaqının (UCI) beynəlxalq dərəcəli hakimi Vladimiros Petsas rəhbərlik edib.
3 gün davam edən tədbirin yekunu olaraq götürülən imtahanların nəticəsi ürəkaçan olub - federasiyanın bütün üzvləri imtahanlardan uğurla keçiblər. Bu isə onlara Bakı-2015-in velosiped yarışlarında hakimlik etməyə imkan verir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
