...

Mariya Stadnik və Yuliya Ratkeviç birinci, Həsən Əliyevlə Rəsul Çunayev isə ikincidir (REYTİNQ)

İdman Materials 8 Avqust 2014 19:38
Beynəlxalq Güləş Federasiyası - FİLA təqvim planı üzrə iyul ayında keçirilən yarışların nəticələrinə əsasən, sərbəst güləşçilərdən sonra avqust ayı üçün yunan-Roma və qadın güləşçilərin reytinq siyahısını açıqlayıb.
Mariya Stadnik və Yuliya Ratkeviç birinci, Həsən Əliyevlə Rəsul Çunayev isə ikincidir (REYTİNQ)

Trend-i buradan izləyin

Azərbaycan, Bakı, 8 avqust /Trend/

Beynəlxalq Güləş Federasiyası - FİLA təqvim planı üzrə iyul ayında keçirilən yarışların nəticələrinə əsasən, sərbəst güləşçilərdən sonra avqust ayı üçün yunan-Roma və qadın güləşçilərin reytinq siyahısını açıqlayıb.

Trend Azərbaycan Güləş Federasiyasına istinadən xəbər verir ki, budəfəki siyahı Bakıda keçirilən ümummilli lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsində güləşçilərin qazandığı nəticələr əsasında hazırlanıb.

Qadın güləşçilərin reytinq siyahısına 4 güləşçimizin adı daxil edilib.

48 kq
1. Mariya Stadnik (1)

58 kq
7. İrina Netreba (6)

60 kq
1. Yuliya Ratkeviç (1)

69 kq
19. Raqnetta Qurbanzadə (18).

Yunan-Roma güləşçilərinin reytinq siyahısına 10 güləşçimizin adı daxil edilib. Taleh Məmmədov və Şalva Qadabadze "Qızıl Qran Pri" beynəlxalq turnirinin final mərhələsində qazandıqları nəticəylə adlarını yenidən reytinq siyahısına yazdırıb. "Qızıl Qran Pri" beynəlxalq turnirinin final mərhələsini qızıl medalla tamamlayan Rafiq Hüseynov və Elvin Mürsəliyev müvafiq çəki dərəcələrinə görə reytinqdə ötən ayla müqayisədə daha yuxarı sırada qərarlaşıb.

59 kq
12. Taleh Məmmədov (nr)
13. Kamran Məmmədov (12)

66 kq
2. Həsən Əliyev (2)

71 kq
2. Rəsul Çunayev (2)

75 kq
6. Rafiq Hüseynov (80 kq - 15)

80 kq
4. Elvin Mürsəliyev (75 kq - 6)

85 kq
10. Saman Təhmasibi (11)
18. Şəhriyar Məmmədov (13)

98 kq
7. Şalva Qadabadze (nr)

130 kq
14. Sabah Şəriəti (11)

Qeyd edək ki, mötərizədə yazılan rəqəmlər idmançıların ötən ayın reytinq siyahısında tutduqları yeri göstərir.

Məqalədə:
Xəbər lenti

Xəbər lenti