...

Velosipedçilərimiz 6-cı oldular

İdman Materials 18 İyul 2015 17:30
"Tour de Qinghai Lake" başa çatdı
Velosipedçilərimiz 6-cı oldular

Trend-i buradan izləyin

Azərbaycan, Bakı, 18 iyul /Trend/

Azərbaycanın kontinental velosiped komandası "Synergy Baku Cycling Project" Çində keçirilən sayca 14-cü "Tour de Qinghai Lake" yürüşündə iştirakını başa vurub.

Azərbaycan Velosiped İdmanı Federasiyasından Trend-ə verilən məlumata görə, yarışın bu gün keçirilən sonuncu - 13-cü mərhələsində iştirakçılar 135 km məsafə qət ediblər. 6 velosipedçimizdən 5-i - Yannis Tamuridis, Matey Müqerli, Samir Cəbrayılov, Maksim Averin və Elçin Əsədov finişi mərhələ qalibi ilə eyni vaxtda - 2 saat, 54 dəqiqə, 2 saniyəyə keçib. Fotofinişə əsasən ən yaxşı göstərici Yannis Tamuridisə məxsusdur - 9-cu yer. Markus Eybeger isə qalibdən 28 saniyə geri qalıb.

Beləliklə, 13 mərhələnin yekununa əsasən, ümumi təsnifatın ilk onluğunda komanda üzvlərimizdən bir nəfər yer alıb - Matey Müqerli yarış qalibinə 3 dəqiqə, 30 saniyə uduzmaqla 9-cu yeri tutub.

Komanda hesabında isə "Synergy Baku" 22 kollektiv arasında 6-cı olub.

Xatırladaq ki, Beynəlxalq Velosipedçilər İttifaqının 13 mərhələdən ibarət 2-ci kateqoriyalı yarışında 22 komanda iştirak edib ki, onların da içərisində 1 Dünya Turu, 3 Pro-kontinental və 18 kontinental klub var idi.

Məqalədə:
Xəbər lenti

Xəbər lenti