Bakı. Trend:
"Xəzər Lənkəran" Premyer Liqanın XXI turu çərçivəsində mövsümün üçüncü "Böyük oyun"una itkilərlə çıxacaq.
Trend klubun saytına istinadən məlumat verir ki, "Xəzər Lənkəran" səfərdə "Neftçi" ilə qarşılaşmanın hazırlığına Lənkəranda start verib və məşqlər gün ərzində iki dəfə olmaqla davam etdirilir.
Komandanın iki aparıcı üzvü Tural Qürbətov və Ruslan Cəfərov cəza səbəbindən "Böyük oyun"u buraxmalı olacaqlar. Fevralın 12-dək Lənkərandakı bazasında hazırlığını keçirəcək "Xəzər Lənkəran" daha sonra paytaxta üz tutacaq.