Bakı. Trend:
2018-ci ildə Rusiyada təşkil olunacaq dünya çempionatının seçmə mərhələsi çərçivəsində bu gün Azərbaycan və Almaniya milli komandaları qarşılaşacaq.
Trend-in məlumatına görə, oyun saat 20:00-da, Tofiq Bəhramov adına Respublika stadionunda keçiriləcək.
Matçı italiyalı hakimlər - baş hakim Daniele Orsato, onun köməkçiləri Mauro Tonolini və Riccardo Di Fiore idarə edəcəklər. Dördüncü hakim Marko Quidadır.
Qeyd edək ki, Azərbaycan – Almaniya oyununa bütün biletlər satılıb.