Bakı. Trend:
Kişi paralimpiyaçılar arasında F56 kateqoriyasında lövhəatma yarışında təmsilçimiz Oloxan Musayev bürünc medal qazanıb.
Trend-in məlumatına görə, yarışda qızıl və gümüş medallara İran təmsilçiləri Əli Məhəmmədyari və Əlireza Nasseri Ghaleh sahib olublar.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.