...

Belarus gəncləri Avropa çempionu oldu

İdman Materials 15 Aprel 2018 15:58 (UTC +04:00)
Bakıda keçirilən batut, ikili mini-batut və tamblinq üzrə Avropa çempionatında gənclər arasında batutda sinxronla tullanma yarışları başa çatıb
Belarus gəncləri Avropa çempionu oldu

Bakı. Ənvər Məmmədov - Trend:

Bakıda keçirilən batut, ikili mini-batut və tamblinq üzrə Avropa çempionatında gənclər arasında batutda sinxronla tullanma yarışları başa çatıb.

Trend-in məlumatına görə, Belarus gimnastları Sebastyan Stankeviç və Andrey Bulov Avropa çempionu olublar.

Gümüş medalı Qonsalo Martinş və Ruben Tavareş (Portuqaliya), bürünc medalı Maykl Abrahams və Lyuk Svinkels (Niderland) qazanıb.

Qeyd edək ki, Bakıda batut, ikili mini-batut və tamblinq üzrə Avropa çempionatında yarışların sonuncu gününə start verilib. Turnirin son günü hər 4 növ üzrə finallarda (fərdi batut, sinxron batut, tamblinq və ikili mini-batut) medalçıların adları məlum olacaq.

Azərbaycanı yarışlarda kişilər arasında sinxron cütlük - İlya Qrişunin və Ruslan Ağamirov, qadınlar arasında isə Svetlana Makştareva və Veronika Zemlyanaya təmsil edir.

Milli Gimnastika Arenasında keçirilən sayca 26-cı olan bu çempionatda həm böyüklər, həm də gənclər proqramında 25 ölkədən hər 3 növ üzrə 400-dən çox idmançı iştirak edir.

Avropa çempionatının əsas özəlliyi isə odur ki, gənc gimnastlar 2018-ci ildə baş tutacaq Gənclər arasında Olimpiya Oyunlarına, böyük gimnastlar isə 2019-cu ilin Avropa Oyunlarına lisenziyanı məhz Bakıda əldə edə biləcəklər.

Məqalədə:
Xəbər lenti

Xəbər lenti