...

Azərbaycan güləş üzrə hərbçilərin dünya çempionatında təmsil olunur

İdman Materials 14 May 2018 11:30 (UTC +04:00)
MOİK idmançıları güləş üzrə hərbçilərin dünya çempionatında iştirak etmək məqsədilə Moskvaya yola düşub.
Azərbaycan güləş üzrə hərbçilərin dünya çempionatında təmsil olunur

Trend-i buradan izləyin

Bakı. Trend:

MOİK idmançıları güləş üzrə hərbçilərin dünya çempionatında iştirak etmək məqsədilə Moskvaya yola düşub.

Azərbaycanın Mərkəzi Ordu İdman Klubunun (MOİK) idmançıları mayın 14-dən 20-dək Rusiyanın Moskva şəhərində hərbçilər arasında güləşin sərbəst və yunan-Roma növləri üzrə keçirilən 33-ci dünya çempionatında iştirak edirlər.

Trend-in məlumatına görə, növbəti dəfə dünya arenasında uğur qazanmaq üçün MOİK yarışlara klubun rəisi, Beynəlxalq Hərbi İdman Şurasında (CISM) Azərbaycan nümayəndə heyətinin rəhbəri polkovnik-leytenant Rəşad Quliyevin rəhbərliyi ilə qatılıb.

Yüksək səviyyəli yarışlara pəhləvanlarımızı beynəlxalq dərəcəli idman ustası, əməkdar məşqçi, hərbçilərin Olimpiya Oyunlarının qızıl medal mükafatçısı, hərbçilər arasında keçirilən XXX dünya çempionatının qızıl medal mükafatçısı mayor Nazim Əlicanov və beynəlxalq dərəcəli idman ustası, hərbçilər arasında keçirilən Avropa və dünya birinciliklərinin 4 qat qalibi, hərbçilər arasında II Olimpiya Oyunlarının gümüş mükafatçısı mayor Taleh İsrafilov hazırlayıb.

Mərkəzi Ordu İdman Klubu komandasının tərkibində 3 qadın güləşçimiz də sərbəst güləş növündə mübarizə aparacaq.

Qeyd edək ki, çempionatda iştirak edəcək komandamızın tərkibində dünya və Avropa çempionları, eləcə də Olimpiya Oyunlarının, Respublika birinciliklərinin qalibi olan idmançılar əksəriyyət təşkil edir.

Həmçinin komandamızın tərkibində beynəlxalq dərəcəli hakimlər Elman İsmayılov və Sədi Quliyev Moskvaya yola düsüblər.

Məqalədə:
Xəbər lenti

Xəbər lenti