Bakı. Trend:
Rusiyada keçirilən futbol üzrə Dünya Kubokunda növbəti futbol günü sürprizsiz ötüşmədi.
C qrupunda Danimarka Avstraliya ilə heç-heçə oynadı 1:1. Hesabı Danimarkalı Kristian Eriksen açdı. Avstraliya komandasının yarımmüdafiəçisi Mayl Edinak penal zərbəsiylə oyunda tarazlığı bərpa etdi.
C qrupunun ikinci oyununda Fransa minimal hesabla Peru komandasını məğlub etdi 1:0. Yeqanə qol hücumçu Kilian Mbapenin hesabına yazıldı. İki oyunda 6 xal qazanan Fransa millisi 1/8 finala vəsiqə qazandı.
D qrupunda Argentina gözlənilmədən Xorvatiya yığmasına 0:3 hesabı ilə məğlub oldu. Bütün qollar oyunun ikinci hissəsində vuruldu. Xorvatiya komandasında fərqlənən Ante Rebiç, Luka Modriç və İvan Rakitiç oldu. Xorvatiya Fransanın ardından 1/8 finalda yerini təmin etdi. Messi yenədə öz komandasına heç bir köməklik göstərə bilmədi.