Boks üzrə ölkə çempionatının yarımfinalçıları müəyyənləşib

Bakı. Trend:

Kişi boksçular arasında Azərbaycan çempionatında dörddəbir final mərhələsinin görüşləri yekunlaşıb.

Trend-in məlumatına görə, yarışın dördüncü günündə 18 döyüş baş tutub. Gün ərzində beş çəki dərəcəsində yarımfinalçılar müəyyənləşib. Dörddəbir final görüşlərində qələbə qazanan boksçular özləri üçün ən azı bürünc medalı təmin ediblər.

Yığmamızın aparıcı boksçularından Cavid Çələbiyev (60 kq), Elvin İsayev (64 kq), Kamran Şahsuvarlı (75 kq) və Rauf Rəhimov (81 kq) da final üçün döyüşmək hüququ qazanıblar.

Çempionatın yarımfinal mərhələsinə noyabrın 30-da saat 14:00-da start veriləcək.

Dekabrın 1-də isə final görüşləri keçiriləcək.

Azərbaycan çempionatında 28 komandadan 138 idmançı mübarizəyə qoşulub.