.jpg)
Bakı. Trend:
İyulun 22-də “EYOF Bakı 2019” XV Avropa Gənclər Olimpiya Festivalında kişi və qadın voleybolçuların mübarizəsində ilk görüşlər başa çatıb.
Trend-in məlumatına görə, Fövqəladə Hallar Nazirliyinin İdman-Sağlamlıq Mərkəzində keçirilən kişi voleybolçuların yarışında birinci görüşdə Belarus və Rusiya yığmaları üz-üzə gəliblər. Oyunda Rusiya voleybolçuları rəqiblərini hər üç setdə (25:20, 25:21, 25:20) məğlub edərək festivala qələbə ilə başlayıblar.
Azərbaycan Voleybol Mərkəzində təşkil olunan qadınların mübarizəsində isə ilk oyunda Rumıniya və Bolqarıstan yığmaları qarşılaşıblar. Görüşdə Rumıniya voleybolçuları 3:1 (25:23, 25:18, 16:25, 25:12) hesabı ilə qalib gəliblər.