Bakı. Trend:
Futzal üzrə DÇ-2024-ün elit-raund mərhələsində oktyabrın 11-də keçiriləcək Qazaxıstan - Azərbaycan oyununun başlama saatı və məkanı açıqlanıb.
Federasiyadan Trend-ə verilən məlumata görə, görüş Astana şəhərindəki “Jekpe-Jek Arena”da olacaq. Qarşılaşma Bakı vaxtı ilə saat 18:00-da başlayacaq.
Qeyd edək ki, bu arena 2019-cü ildə istifadəyə verilib. İdman qurğusunda bir neçə növ üzrə beynəlxalq yarışlar və festivallar keçirilib.