Bakı. Trend
"Qarabağ" futbol komandası Avropa Liqasında növbəti mərhələyə vəsiqə qazanıb.
Trend xəbər verir ki, Avropa Liqasının pley-off mərhələsində Bakıda "Qarabağ" və Portuqaliyanın "Braqa" komandaları arasında cavab oyun keçirilib.
Tofiq Bəhramov adına Respublika stadionunda keçirilən görüş "Qarabağ"ın 3:2 hesablı məğlubiyyəti ilə başa çatıb. Qolları Rocer Fernandeş, 71, Alvaro Djalo, 83, Mateus Silva, 102, Banza, (115-ci dəqiqə, penalti), Nəriman Axundzadə, 120+2.
Portuqaliyada 4:2 hesabı ilə qələbə qazanan Ağdam təmsilçisi ümumilikdə 6:5 hesablı qələbə qazanıb və 1/8 finala vəsiqə qazanıb.
xxx
23:32
Avropa Liqasının pley-off mərhələsində Bakıda "Qarabağ" və Portuqaliyanın "Braqa" komandaları arasında keçirilən cavab oyununda qonaq komanda hesabı artırıb.
Trend-in məlumatına görə, oyunun 83-cü dəqiqəsində Alvaro Djalo fərqlənib.
xxx
23:21
Avropa Liqasının pley-off mərhələsində Bakıda "Qarabağ" və Portuqaliyanın "Braqa" komandaları arasında keçirilən cavab oyununda hesab açılıb.
Trend-in məlumatına görə, Tofiq Bəhramov adına Respublika Stadionunda oynanılan matçın 70-ci dəqiqəsində Rocer Fernandes qonaqları hesabda önə keçirib.
xxx
21:47
Avropa Liqasının pley-off mərhələsində Bakıda "Qarabağ" və Portuqaliyanın "Braqa" komandaları arasında cavab oyunu başlayıb.
Trend-in məlumatına görə, Tofiq Bəhramov adına Respublika Stadionunda keçirilən görüş saat 21:45-də start götürüb.
Qeyd edək ki, Portuqaliyadakı ilk matçda "Qarabağ" 4:2 hesablı qələbə qazanıb.